Bütindünýä bankynyň hasabatyna görä, 2050-nji ýyla çenli Merkezi Aziýada içerki klimat migrasiýasy üç ssenariýa boýunça ýokarlanmagyna garaşylýar: pessimistik, inklýuziw ösüş we amatly klimat ssenariýalary.
- Pessimistik salgylanma ssenariýasy: Klimat migrantlarynyň sany 2.4 million (umumy ilatyň 3.4%-i) we klimat bilen bagly içerki migrasiýanyň 26% artmagy çak edilýär.
- Inklýuziw ösüş ssenariýasy: Klimat migrantlarynyň sany 1.9 million (umumy ilatyň 2.5%-i) we klimat bilen baglanşykly içerki migrasiýa 38% ýokarlanmagy mümkin.
- Amatly klimat ssenariýasy: Klimat migrantlarynyň sany 1.7 million (umumy ilatyň 2.4%-i) we içerki klimat migrasiýasy bolsa 20% köpelmegi çaklanylýar.
2050-nji ýyla çenli migrantlaryň göçip barmagy çaklanylýan sebitler:
- Fergana jülgesi (Özbegistanyň Taşkent şäherine golaý ýer);
- Günorta Täjigistan, şol sanda Duşanbe;
- Karagandy etraplary, Nur-Soltan we Kostanaý ýaly ýerler, şeýle hem Gazagystanyň demirgazygyndaky ýagyşa suwarylýan ekin meýdanlary;
- Bu ýerlere göçüşiň artmagy suwuň elýeterliligi, ekiniň bol hasylylygynyň ýokarlanmagy bilen baglanyşdyrylýar we klimatyň üýtgemegi netijesinde ilat göçüşiniň köpelmegine garaşylýar.
2050-nji ýyla çenli ilatyň terk etmegine garaşylýan sebitler:
- Gazagystanyň günorta serhedindäki ýerler;
- Uzbekistandaky we Täjigistandaky Fergana jülgesiniň töweregindäki ýerler;
- Gyrgyzystanyň Bişkek şäheriniň töwerekleri;
- Türkmenistanyň gündogaryndaky, Özbegistanyň günortasyndaky we Amyderýanyň boýuna golaý ýerler;
- Suwuň elýeterliliginiň we ekin hasylylygynyň peselmegi zerarly ilatyň bu sebitleri terk etmegi çaklanylýar.
