Noýabr 2024: Palaw Bahalary 6.1% Arzanlady.
2024-nji ýylyň noýabr aýynda Aşgabatda palaw bişirmegiň ortaça bahasy 64.5 manada barabar boldy. Bu görkeziji, 2023-nji ýylyň noýabrynda bellige alnan 68.7 manatlyk bahadan 6.1% arzanlady. Şeýle hem, geçen aýdaky (oktýabr) 66.5 manat bilen deňeşdirilende, bahalar 3.1% peseldi. FAO-nyň Azyk Bahalary Indeksine görä, halkara azyk bahalary 2024-nji ýylyň noýabrynda 5.7% ýokarlandy.
Aşgabatda Esasy Önümleriň Ýyllyk Bahasyndaky Üýtgeşmeler
2024-nji ýylyň noýabrynda Aşgabatda palaw bişirmek üçin zerur bolan önümleriň käbiriniň bahasy arzanlady, käbirleriniňki bolsa ýokarlandy. Tüwiniň bahasy iň uly derejede 40.7% pese gaçdy. Günebakar ýagy bilen bugdaý ununyň bahalary degişlilikde 2.7% we 2.2% arzanlady. Muňa garamazdan, käşir iň ýokary derejede 38.2% gymmatlady. Şeýle hem, sygyr etiniň bahasy 8.1% we soganyň bahasy 1.5% ýokarlandy (Netije 1 seret).
FAO Indeksine Görä Dürli Kategoriýalarda Halkara Baha Üýtgeşmeleri:
- FAO Ösümlik Ýagynyň Bahasy Indeksi 2024-nji ýylyň noýabrynda ýyldan-ýyla 32.2% ýokarlandy we bu görkeziji 2022-nji ýylyň iýulyndan bäri iň ýokary derejä ýetdi. Bu ýokarlanma palma, soýa, we günebakar ýaglarynyň bahalarynyň artmagy bilen baglanyşykly. Şeýle hem, 2024/25 önümçilik möwsüminde pes önümçilige garaşylýar.
- FAO-nyň Galla Önümleri Indeksi bugdaýyň we beýleki däne önümleriň bahasyny öz içine alýar we 2024-nji ýylyň noýabrynda ýyldan-ýyla 8.0% arzanlady.
- FAO Tüwi Indeksi noýabrda 4.0% arzanlady. Munuň esasy sebäpleri artan bazar bäsdeşligi, hasylyň ýokarlanmagy, we ABŞ dollaryna garşy walýuta hümmetleriniň pese gaçmagy bilen baglanyşykly boldy.
- Şol bir döwürde FAO Et Bahasy Indeksi 5.9% gymmatlady.
Metodologiýa
Palaw ingredientleriniň bahalary çöplenilen wagtynda soganyň, käşiriň, etiň, tüwiniň we unuň 1 kg bahasy we günebakar ýagynyň 1 litr bahasy çöplenildi. Biziň metodologiýamyza görä, 4 adamdan ybarat bolan maşgalada palaw bişirmek üçin biz öz formulamyzda günebakar ýagynyň 0.3 litrini, soganyň ýarym kilesini, käşiriň 1 kilesini, etiň 600 gramyny, tüwiniň 1 kilesini we bugdaý ununyň ýarym kilesini ulandyk. Bahalaryň hemmesi hususy dükanlardan ýygnalan. Palaw Indeks metodologiýasy barada has giňişleýin maglumaty öwrenmek üçin şu salga basyň.
