Aprel 2025: Palaw Bahalary 11.0% Gymmatlady.
2025-nji ýylyň aprel aýynda Aşgabatda palaw taýýarlamagyň ortaça bahasy 68.3 manada ýetdi. Bu görkeziji geçen ýylyň, ýagny 2024-nji ýylyň aprel aýyndaky 61.5 manat bilen deňeşdirilende 11.0% ýokarydyr. Mundan başga-da, geçen aýdaky, ýagny 2025-nji ýylyň mart aýyndaky 68.2 manat bilen deňeşdirilende, palawyň bahasy 0.1% ýokarlandy. FAO-nyň Azyk Bahalary Indeksine görä bolsa, halkara azyk bahalary 2025-nji ýylyň aprel aýynda 7.6% ýokarlandy.
Aşgabatda Esasy Önümleriň Ýyllyk Bahasyndaky Üýtgeşmeler
2025-nji ýylyň aprel aýynda Aşgabatda palaw taýýarlamak üçin zerur bolan käbir önümleriň bahasy peselse, beýlekileriniňki ýokarlandy. Tüwiniň bahasy iň uly peselişi görkezdi we ýylyň dowamynda 41.0% arzanlady. Käşiriň bahasy bolsa 13.4% pese düşdi. Munuň bilen bir wagtda, beýleki esasy önümleriň bahalary ýokarlandy. Soganyň bahasy iň ýokary ösüşi görkezdi we 93.5% gymmatlady. Şeýle hem, sygyr eti 37.1%, bugdaý uny 25.5% we günebakar ýagynyň baahasy 0.9% ýokarlandy (Netije 1-e serediň).
FAO Indeksine Görä Dürli Kategoriýalarda Halkara Bahalaryndaky Üýtgeşmeler:
- FAO Ösümlik Ýagynyň Bahasy Indeksi 2025-nji ýylyň aprelinde ýyldan-ýyla 20.7% ýokarlandy. Bu bolsa esasy eksport edýän ýurtlardaky üpjünçiligiň azalmagy we dünýä derejesindäki durnukly import islegi bilen baglanyşykly boldy.
- FAO-nyň Galla Önümleri Indeksi bugdaýyň we beýleki däne önümleriň bahasyny öz içine alýar we geçen aý, ýagny mart 2025 bilen deňeşdirilende onuň bahasy 1.2% artdy. Russiýa Federasiýasyndan eksporta gönükdirilýän bugdaýyň möçberiniň birneme azalanlygy sebäpli onuň halkara bahasy biraz artdy.
- Şol bir wagtyň özünde, FAO Et Bahasy Indeksi geçen aý (mart 2025) bilen deňeşdirilende 3.2% ýokarlandy.
Metodologiýa
Palaw ingredientleriniň bahalary çöplenilen wagtynda soganyň, käşiriň, etiň, tüwiniň we unuň 1kg bahasy we günebakar ýagynyň 1 litr bahasy çöplenildi. Biziň metodologiýamyza görä, 4 adamdan ybarat bolan maşgalada palaw bişirmek üçin biz öz formulamyzda günebakar ýagynyň 0.3 litrini, soganyň ýarym kilesini, käşiriň 1 kilesini, etiň 600 gramyny, tüwiniň 1 kilesini we bugdaý ununyň ýarym kilesini ulandyk. Bahalaryň hemmesi hususy dükanlardan ýygnalan. Palaw Indeks metodologiýasy barada has giňişleýin maglumaty öwrenmek üçin şu salga basyň.
